ساریه الاهواز

عشایر غیور و ادبای عزیز اهوازی

هوسات و شعر

هله ابزودک  یمحبوبی و فنّه
و فی و اریحی و من طبعه و فنّه
فنّه اللی حوه الحسنک و فنّه
الوصف شخصک یبو ذات الوفیه
حجی عباس حزباوی
مایوم بـــــــــــوصــل فتنه وفتنه
وهواها النه انجعــل فتنه وفتنه
الوصل فتنه الهــوی فتنه وفتنه
فتنه ولا تبیح ابوصـــــــل هیه

(الشاعرمهدی ملافاضل السکرانی)
چنت احسب خلیل انته وانه خــــــل
الـک واتقربل ابعگلی وانه خــــــــــل
شد رحل الظعن بلخل وانه خـــــــل
عد باب خصمی وگطع بیـــــــــــــــــه
(الشاعر المرحوم سید فــــــری ابو سعد)
………………………………………………….
چنت احسب حبیبی انته وانه حـب
الک اتهل واجر حصره  وانه حــــب
تراب البیــــن اجه ابداری وانه حب
بداری ابیوم شح وصلک علیــــــــه
(الشاعر المرحوم سید فـــــری ابو سعد)
………………………………………
چنت احسب هوای انته وانه هـــوا
الک ماهمنی العاذل وانه هـــــــوا
یلی ابصد گ موعدنی وانه هــــــوا
الصد گ مو واعدتنی وخنت بیـــــه
(الشاعر المرحوم سید فــــــری ابو سعد)

حمام الدوح اخبرک ونعلهلــــی
اوکت المزن بطــــل ونعلهلـــــی
انته اتون عله اهلک ونعلهلـــی
ماون ابکثر ونهم علیـــــــــــــــه
(الشاعر عبدالکریم هلال الخنفری)
حبیتک حب طفل لمِِهّ وردتک
اذا تعطش من ادموعی وردتک
انته البل ورد تزهی وردتــــــک
اید مک یا ورد رب البـــــــریــــــه
(الشاعر حجی محمد ادریـــــــس
ایگلولی تلوم اشلون مالـــــوم
ونه مثل الیتیم اصبحت مالـوم
جفیت وتم گلب بجفاک مالوم
الی ونار اشتیاگی اسعرت بیه
(الشاعر عبدالکریم هلال الخنفری)
…………………………………….
ایگلولی عمیت اشلون معمــــا
اذا شحمت اعیونی اتسیل معما
الد مع وشما اقیس الموت معما
کلف اهون امن افراگک علیـــــــه
(الشاعر عبدالکریم هلال الخنفری)
………………………………………
ایگلولی تعانی اشـــــلون ماعـــن
ونه امنل تهل حته احشای ماعن
اشکثر عینی بچت للناس ماعـــن
بچتلی ابیوم زار الوکـت بیــــــــــه
(الشاعر عبدالکریم هلال الخنفری)
ایگلولی تهم اشلون ماهـــــم
وانه نهلان حته الجدم ماهـــم
اذا لل دار اجـی بل دار ماهــم
احبابی اشلون ما انصب عزیـــه
(الشاعر المرحوم سید فری ابو س
عد)
کفو یل مافتن گومه وشنهم
کفو یل رفع رأیتهم وشنهم
کفویل ما مله یوده وشنهم
خلی ومایه ابحدود السمهریه
(الشاعرالمرحوم ملا عبدالصمد الأسدی)

………………………………………………
الصبر یا صاح روحی ولهمنه
ابسبب کلیوم ادگه ولهمــــــنه
لهه طیب النوایب ولهمــــــنه
عرفت بیهه الیود وعدای لیه
(الشاعر المرحوم ملا عبدالصمد الأسدی)

+   reza ; ٦:٠۳ ‎ب.ظ ; ۱۳٩٠/٩/۱٦

design by macromediax ; Powered by PersianBlog.ir